کراچی۔5فروری (اے پی پی):وفاقی وزیرانفارمیشن ٹیکنالوجی ( آئی ٹی )سید امین الحق آکھیے کشمیری عوام بھارتی تسلط توں آزادی کیتے اپݨے حق خودارادیت دامطالبہ اصولی بنیاداں تے کریندے پئن۔ انہاں یوم کشمیر دے موقع تے جموں وکشمیر دے مظلوم عوام نال اظہار یکجہتی کیتے آپݨے پیغام اچ آکھیے جو کشمیری عوام نال اے وعدہ اقوام متحدہ دی قرارداداں اچ کیتا ڳیا ہئی ، عالمی طاقتاں اقوام متحدہ دی قرارداداں تے عملدرآمد اتے بھارتی تسلط دے خاتمے دے عمل کوں یقینی بݨاون ، حق خود ارادیت ملݨ تئیں ہر پاکستانی شہری مظلوم کشمیریاں دی آواز نال آواز ملیندا رہ ویسی ۔
