اسلام آباد ۔ 20 جولائی (اے پی پی) الیکشن کمیشن دے ترجمان ولوں ڈسایا گئے جو خیبرپختونخوا اچ ضم تھیونڑ آلے سابق قبائلی علاقہ جات دے 16 حلقیاں اچ انتخابات کیتے پولنگ پرامن انداز اچ مکمل تھی گین، ایں دوران الیکشن کمیشن کوں 4شکایات ملین جیکون نمٹا ڈتا گئے۔انہاں آکھیا جوپریزائیڈنگ آفیسر وٹس ایپ تے نتائج ریٹرننگ آفیسرکو ں بھجیسن ، دور دراز علاقیاں اچ پریزائیڈنگ آفیسر آپ ونج تے نتیجے ریٹرننگ آفیسردے حوالے کریسن ۔جیہڑے علاقیاں اچ رات کوں سفر نئیں کیتا ونج سگدااتھاں اے نتائج سویلے ریٹرننگ آفیسرکوں ڈتے ویسن۔
