اسلام آباد۔11مارچ (اے پی پی) وزیراعظم محمد شہباز شریف پاکستان اتے سعودی عرب دے ݙوپاسہ تعلقات کوں ٻیا مفید، سٹریٹجک اتے اقتصادی سانجھے داری اچ بدلݨ ترجیح اے روڈ ٹو مکہ پراجیکٹ دا دائرہ کار ودھاوݨ نال پاکستانی عازمین حج کوں سہولت ملسی۔ وزیراعظم آفس دے میڈیا ونگ توں جاری بیان موجب اے ڳالھیں انہاں پاکستان اچ سعودی عرب دے سفیر نواف بن سعید احمد المالکی نال ڳالھ مہاڑ کریندیں ہوئیں آکھی جنہاں سنوار کوں انہاں نال ملاقات کیتی۔ ملاقات اچ وزیر اعظم خادم الحرمین شریفین شاہ سلمان بن عبدالعزیز اتے ولی عہد شہزادہ محمد بن سلمان ولوں انہاں دے وزیراعظم دے عہدے تے ولا چݨاؤ تے نیک خواہشات دا اظہار کیتا۔ پاکستان اتے سعودی عرب وچال خصوصی برادرانہ تعلقات دا ذکر کریندیں ہوئیں وزیراعظم آکھیا جو سعودی عرب دے سفہر او پہلے ملکی سفیر ہن جیڑھے جو وزیراعظم دا منصب سنبھالݨ دے بعد انہاں نال ملاقات کریندے پئن۔
