اسلام آباد۔29جولائی (اے پی پی) صدر مملکت ڈاکٹر عارف علوی ، وفاقی محتسب دا فیصلہ مسترد کریندیں ہوئیں پاکستان ریلوے کوں متوفی ملازمین دے ٻالاں دے کوٹے تے درخواست گزار دی تعیناتی دی ہدایت کر ݙتی اے۔ جمعے کوں ایوان صدر توں جاری ہک پریس ریلیز دے مطابق صدرمملکت آکھیا جو وفاقی محتسب فیصلہ ݙیندیں ہوئیں وزارت ریلوے دی پاکستان ریلوے کوں جاری تھئی ہدایت کوں نظر انداز کیتے۔ وزارت ریلوے شکایت کنندہ کوں اسٹیبلشمنٹ ڈویژن دے مراسلے دی بنیاد تے اہلیت دے مطابق ملازمت ݙیوݨ دا حکم ݙتا ہئی۔ متوفی دے انتقال دے بعد ٻالاں دے کوٹے دے تقرری دی درخواست تے عمل نی کیتا ڳیا۔ صدر مملکت ڈاکٹر عارف علوی ، وفاقی محتسب دا فیصلہ مسترد کریندیں ہوئیں پاکستان ریلوے کوں متوفی ملازمین دے ٻالاں دے کوٹے تے درخواست گزار دی تعیناتی دی ہدایت کر ݙتی اے۔
