اسلام آباد۔11اگست (اے پی پی):وزیرمملکت پٹرولیم مصدق ملک آکھیے جو ملک کوں آزاد تھئے 75 سال تھی ڳئن لیکن عمران خان کوں آزادتھیوݨ دا یقین نی آندا پیا او ݙوجھیں کوں چور تے غدار آکھدن، کے الیکٹرک کوں 3 ملین پائونڈ گھن تے ھک ارب ڈالردافیدہ پڄاوݨ آلا تے ملک ریاض کوں 450 کنال زمین گھن تے 250 ملین ڈالر ݙیوݨ آلا کیویں صادق و امین اتے صاف شفاف تھی سڳدے ، پی ٹی آئی دے کارکناں سوشل میڈیا تے شہدا متعلق تضحیک آمیز ٹرینڈز چلائے، عمران خان دے منہ توں کہیں نی سݨیا جو شہباز گل جیڑھا کجھ آکھیے او غلط اے، تحقیقات جاری ہن جیڑھا وی جرم اچ ملوث تھیا اینکوں قانون دے مطابق سزا ملسی ، عمران خان لاہوراچ کھیݙ دا میدان تباہ کرݨ دی جلسےکیتے ٻئی جاہ ڳولے ۔ خمیس کوں پریس انفارمیشن ڈیپارٹمنٹ اچ پریس کانفرنس توں خطاب کریندے ہوئیں مصدق ملک آکھیے جو ملک 75 ویں سالگرہ مناوݨ ویندا پئے عمران خان کل قوم توں خطاب کیتا ، توقع ہئی جو او امن تے ترقی دی ڳالھ کریسن لوکاں کوں امید ݙویسن انہاں ایجھا کجھ نی آکھیا تے صرف سازش دا ذکر کیتا ۔ عمرا ن خان ݙساون جو کون ہے سازشی اتے کون انہاں دے خلاف سازشاں کریندا پئے ، ملک کوں آزاد تھئے 75 سال تھی ڳئن عمران خان کوں اڄ تئیں آپݨے آزاد تھیوݨ دا یقین نی آندا پیا ۔ او غلام غلام دی رٹ لاتی ہوئی اے خان صاحب ساݙا ملک آزاد اے ۔
