اسلام آباد۔12مئی (اے پی پی):سپیکر قومی اسمبلی راجہ پرویز اشرف آکھیے جو آئین پاکستان دے خلاف کوئی کم ساݙی سالمیت ، قومی یکجہتی، جمہوریت اتے ملک پاکستان کیتے خطرہ بݨ سڳدے ، وزیر خارجہ دی طرفوں پارلیمانی کمیشن دے قیام دی تجویز تے آئین و قانون دے مطابق فیصلہ کیتا ویسی ، وزیر خارجہ بلاول بھٹو زرداری دے چاتے ڳئے نکتے تے رولنگ ݙیندے ہوئیں سپیکر آکھیے جو آئین پاکستان دی سربلندی، عزت توقیر و تکریم ہر ادارے اتے بندے تے لازم اے ۔ ایندے نال جڑیا رہݨ بنیادی شرط اے۔ آئین پاکستان دے خلاف کوئی کم ساݙی سالمیت ، قومی یکجہتی، جمہوریت اتے ملک پاکستان کیتے خطرہ بݨ سڳدے ۔ کہیں وی بندے یا ادارے کوں اے اجازت نی ݙتی ونڄ سڳدی جو او آئین دے نال کھلواڑ کرے۔ وزیر خارجہ دی طرفوں پارلیمانی کمیشن دے قیام دی تجویز تے آئین و قانون دے مطابق فیصلہ کیتا ویسی ۔
