لنڊن – 12 فيبروري (اي پي پي) ڪينسر جو مرض ظاهر ٿيڻ کانپوءِ برطانيا جي شاه چارلس ٽئي جو پهريون پيغام سامهون اچي ويو آهي. رائٽرز مطابق شاه چارلس انهن نيڪ خواهشن جو اظهار ڪندڙن جو ٿورو مڃيو آهي. پنهنجي پيغام ۾ هن جو چوڻ آهي ته سندس باقاعدگي سان طبي معائنو ڪرايو پيو وڃي. واضح رهي ته شاه چارلس ٽئي جي ڪينسر جي مرض جي سڃاڻپ پروسٽيٽ جي علاج دوران ٿي هئي. 75 سالن جي شاه چارلس جي ڪينسر جي نوعيت بابت هن وقت تائين واضح ناهي پر چيو پيو وڃي ته اهو پروسٽيٽ جو ڪينسر ناهي.
