کوئٹہ۔ 17 اگست (اے پی پی) وفاقی وزیرداخلہ محسن نقوی مستونگ اچ شہید تھیوݨ آلے ڈپٹی کمشنر پنجگور ذاکر بلوچ دی تعزیت سانڳے تربت اچ انھاں دی ہائش گاہ تے ڳئن ۔ آئی جی فرنٹیئر کور ساؤتھ بلوچستان میجر جنرل بلال سرفراز خان وی انہاں دے رلے ہن ، وفاقی وزیر داخلہ شہید ڈپٹی کمشنر دے والد کنر بلوچ، بھراویں تے ٻئے گھر آلیں نال ملاقات کیتی تے انھاں دی شہادت تے ݙکھ تے افسوس کیتے اتے انھاں کوں پرچاوݨی ݙتی ۔ ایں موقع تے وزیر داخلہ شہید ذاکر بلوچ دے گھرآلیں سانڳے 2 کروڑ روپے مالی امداد دا اعلان کیتا، انہاں شہید ڈپٹی کمشنر دے والد کوں پلاٹ دا الاٹمنٹ لیٹر وی پیش کیتا ۔وفاقی وزیر داخلہ شہید دے والد کوں صدر اتےوزیراعظم دا خصوصی تعزیتی سنھیا وی پڄایا ۔ وزیر داخلہ محسن نقوی آکھیے شہید ذاکر بلوچ دی فیملی دا خیال رکھݨ ساݙی ذمہ واری اے،ذاکر بلوچ شہادت دا اعلیٰ رتبہ پاتے تے شہید ہمیشہ زندہ رہندن تے انھاں دی وطن سانڳے قربانی دیر تئیں یاد رکھی ویسی
