اسلام آباد۔25اکتوبر(اے پی پی)وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے جو تشدد اتے انتشار دی سیاست پی ٹی آئی دی تاریخ رہی اے، سنگجانی ٹول پلازہ تے قیدیاں دی گاݙیاں تے منصوبہ بندی نال حملہ کیتا ڳئے۔ سنگجانی ٹول پلازہ تے قیدی ویناں تے حملیاں بارے الیندے انہاں آکھیا جو اڄ تحریک انتشار دے کارکنان قیدیوں دیاں ڳاݙیاں تے حملہ کیتے اتے گرفتار ملزمان کوں فرار کراوݨ دی ناکام کوشش کیتی اتے تحریک انصاف سوچے سمجھے منصوبے نال اے حملہ کیتے، پولیس 4 حملہ آوراں کوں گرفتار کیتے جیندے اچ پی ٹی آئی دے خیبر پختونخوا توں رکن صوبائی اسمبلی لیاقت دا پتر وی اے، ملزمان توں ݙوگاݙیاں اتے اسلحہ وی قبضے اچ ڳھدا ڳئے، ملزمان پولیس تے فائرنگ وی کیتی اے، پی ٹی آئی 9 مئی کوں شہداء دی یادگاراں کوں مٹائے، پی ٹی وی تے حملہ کیتے، پارلیمنٹ دا گیٹ تروڑیے، قبراں کھٹین۔ پی ٹی آئی دے چار گاݙیاں اچ سوار مسلح کارکنان قیدیاں دی ڳاݙیاں اتے پولیس تے حملہ کیتے، 82 ملزمان کوں فرار کراوݨ دی کوشش کیتی، سارے قیدی ولا حراست اچ ڳھدے ڳن، ملزمان دے خلاف سخت ترین قانونی کارروائی کیتی ویسی جو کوئی ولا کہیں قیدی کوں فرار کراوݨ دی کوشش نہ کرے۔ انہاں آکھیے جو این افسوسناک واقعے تے تحریک انصاف دا مضحکہ خیز ردعمل آئے، ٹول پلازہ دی سی سی ٹی وی فوٹیج موجود اے، انہاں دا کوڑ توں علاوہ ٻیا کوئی کم نئیں، ملزمان دے خلاف کارروائی کیتی ویسی، ٻئے ملزمان دی وی سنڄاݨ تھی ڳئی اے، قیدیاں دی گاݙیاں تے حملے دے منصوبہ سازاں دے خلاف وی کارروائی کیتی ویسی، ریاست دی رٹ ہر صورت قائم کیتی ویسی، کہیں نال رعایت نہ ورتی ویسی۔ وفاقی وزیر اطلاعات آکھیا جو مہذب معاشراں اچ اینڄھے ملزمان کوں سزائیں ݙتیاں ویند ڄیکر 9 مئی دے ملزمان کوں سزا مل گئی ہوندی تاں اینڄھے حملے دی ہمت نا تھیندی۔ وفاقی وزیر آکھیا جو ریاست دی رٹ چیلنج کرݨ دا سلسلہ بند تھیسی اتے مثال قائم کیتی ویسی جو اڳو تے کوئی ملزم قیدیاں دی گاݙیاں تے حملے دا سوچ وی نہ سڳے۔(ج، م/ڈ، س، ک)20:55
.jpg)