اسلام آباد۔23فروری (اے پی پی) وزیراعظم محمد شہباز شریف آکھیا جو کفایت شعاری دے اقدامات دےذریعے عوام نال یکجہتی دا اظہار اتے عوام تے پاوݨ آلے ٻوجھ کوں آپ چاوݨ اساݙی حکومت دا طرہ امتیاز اے۔ خمیس کوں اپݨے ٹویٹ اچ وزیراعظم آکھیا جو ملک اجتماعی کوششاں دے ذریعے اڄوکی بحرانی کیفیت توں نکل سڳدے۔ انہاں آکھیا جو کفایت شعاری دے اقدامات جئیں دا آغاز کابینہ ارکان دے اپݨی تنخواہیں اتے مراعات توں رضاکارانہ دستبردار تھیوݨ نال تھیندا پے قومی خزانے کوں سالانہ 200 ارب روپے دی بچت تھیسی۔ وزیراعظم اتحادی جماعتاں دا ایں بارے حمایت کرݨ تے شکریہ ادا کیتے۔ وزیراعظم آکھیا جو او کفایت شعاری دے اقدامات تے علدرآمد دی آپ نگرانی کریسن۔
