اسلام آباد۔28مئی(اے پی پی):وزیراعظم دے رابطہ کار معیشت وتوانائی بلال اظہرکیانی یوم تکبیر دے موقع تے قوم کوں مبارخ ݙتی اے ۔ اتوار کوں ملک دے جوہری طاقت بݨݨ دے ݙینھ دے موقع تے آپݨے ھک پیغام اچ انہاں آکھیے 28 مئی1998 کوں مسلم لیگ (ن) دے قائد اتے اوں ویلھے دے وزیراعظم محمدنوازشریف ہرقسم دے دٻاؤ کوں مستردکریندے ہوئیں بھارت دے ایٹمی دھماکہ داجواب ݙیوݨ دا فیصلہ کیتا ۔ انہاں آکھیے بھارت دے جواب اچ پاکستان کامیابی نال جوہری تجربات کیتے تے دنیا دی ستویں تے مسلم دنیا دے پہلے جوہری ملک بݨݨ دا اعزاز حاصل کیتا۔
