اسلام آباد۔2نومبر (اے پی پی) وفاقی وزیر اطلاعات تے نشریات مریم اورنگزیب آکھیا جو فارن فنڈڈ فتنہ ، اڄ من ڳھدے جو تکلیف صرف آرمی چیف لاوݨ دی اے۔ بدھ کوں وزیر اطلاعات مریم اورنگزیب عمران خان دے خطاب تے آپݨے ردعمل اچ آکھیاجو جتی پالش کرݨ آلی کالک صاف نظر امدی پئی اے۔ ہݨ تاں شہباز شریف دی حکومت اے، تساں روو پٹو یا چیکاں مارو، شہباز شریف چور ہئی تاں عدالتاں اچ ثبوت کیوں نی ݙتے؟ رانا ثناء اللہ قاتل ہئی تاں ہیروئن کیوں پا تے گرفتار کیتا؟ نواز شریف کوں تساݙی حکومت ٻاہر ونجݨ دی موکل ݙتی، نہ ݙیندے، ہݨ دیر تھی ڳی اے۔ اگر احتساب کریندے پے ہاوے تاں آرمی چیف کوں تاحیات ایکسٹنشن دی آفر کیوں کیتی؟ خونی مارچ ٹردا ویندے اتے معصوم جاناں ویندی پئن۔
