اسلام آباد۔26اکتوبر(اے پی پی)وزیراعظم دے معاون خصوصی ملک احمد خان آکھیے جو ارشد شریف دا ٹبڑ چاہوے تاں اقوام متحدہ، سکارٹ لینڈ یارڈ سودھا کہیں وی عالمی تحقیقاتی ادارے توں تفتیش کوں تیار ہیں، ٹھوس شواہد دے بغیر اداریاں تے الزام تراشی چنڳی نئیں، عمران خان اتے شیریں مزاری دے بیانات تے وی تفتیش تھیوݨی چاہیدی اے جئیں ارشد شریف بارے خدشات ݙسائن اتے ٻاھرو ٻھیڄے۔ اسلام آباد اچ پریس کانفرنس کریندے انہاں آکھیا جو ارشد شریف دا واقعہ افسوسناک اے، واقعے تے افواہیں اتے شبہات درست نئیں، کینیا پولیس دے موقف دے بعد تفتیش ہݨ اتھائوں شروع تھیوݨی چاہیدی اے، ݙیکھݨا ہوسی جو ایندا فیدہ کیکوں تھیندے، اے قتل دا معاملہ اے جیندے تے غیر ضروری بیان بازی تفتیش تے اثر انداز تھیوݨ دے مترادف اے۔
