لاہور۔19جنوری(اے پی پی) سعودی سفیر نواف بن سعید المالکی لاہور اچ نگران وزیراعلیٰ پنجاب محسن نقوی نال ملین اتے نگران وزیر اعلیٰ کوں عوامی منصوبیاں دی ویلھے سر تکمیل تے مبارک ݙتی۔ سعودی سفیر ایوان وزیراعلیٰ دا دورہ کیتے۔ سعودی سفیر آکھیا جو پنجاب خاص کر لاہور اچ وزیراعلیٰ دی محنت ݙسدی پئی اے، پنجاب اچ ہکے سال وݙی ترقی ݙٹھی ڳئی اے، منسوبے تیزی نال مکمل تھیندے پن، لاہور سودھا کئی شہراں اچ ترقیاتی منصوبیاں تے تیکھا کم تھیندا پئے۔ نگرانو زیر اعلیی پنجاب آکھیا جو سعودی عرب اتے پاکستان دا ڳانݙھا ٻہوں تاریخی اتے تکڑا اے، سعودی عرب ہمیشہ اوکھے سوکھے ویلھے پاکستان دا ہتھ ونݙائے، پاکستان دی ترقی و خوشحالی کیتے سعودی عرب دا کرتدار ٻھلایا نئیں ونڄ سڳدا۔
