اسلام آباد۔19جون (اے پی پی) وفاقی وزیر برائے ہوابازی خواجہ سعدرفیق آکھیا جو یونان ٻیڑی حادثے اچ سینکڑاں پاکستانیاں دی قیمتی جاناں دا ضیان ہک دلخراش سانحہ اے، پر اے پہلا حادثہ نی حادثیاں دا تسلسل اے۔ سرکاری سطح تے سوگ منایا ویسی۔ انسانی سمگلراں دی گرفتاریاں وی تھیسن اتے ولا بھل ویسوں۔ سنوار کوں سانحے اچ جاں بحق تھیوݨ آلیاں دے ݙکھ اچ یوم سوگ دے موقع تے اپݨے ٹویٹ اچ انہاں آکھیا جو یونان ٻیڑی حادثے اچ سینکڑاں پاکستانیاں دی قیمتی جاناں دا ضیان ہک دلخراش سانحہ اے۔ انہاں آکھیا جو غریبی، بکھ، بے روزگاری نا انصافی، لاقونیت، آمرانہ سوچ دا شکار پاکستانی نینگر کوئلے دی کاناں توں ڳھن تے کھلے سمندراں اتے وطن عزیز دے کوچہ بازاراں تئیں اینویں اپݨی جاناں ݙیندے رہسن۔
