اسلام آباد۔25جولائی (اے پی پی) چیئرمین ہایئر ایجوکیشن کمیشن (ایچ ای سی) ڈاکٹر مختار احمد آکھیا جو اسلامیہ یونیورسٹی بہاولپور ولوں ابتدائی رپورٹ مل ڳئی اے۔ ایں واقعے اچ ملوث جیڑھا وی ہویا اوندے خلاف سخت کاروائی کیتی ویسی۔ میڈیا نال ڳالھ مہاڑ کریندیں ہوئیں انہاں آکھیا جو ایچ ای سی ایں واقعے دے بعد یونیورسٹی توں رپورٹ منڳی ہئی، یونیورسٹی ولوں ابتدائی رپورٹ ایچ ای سی کوں مل ڳئی اے۔ یونیورسٹی ایں معاملے تے تحقیقات کریندی پئی اے۔ انہاں آکھیا جو ایں سویں واقعے افسوسناک ہن۔ انہاں آکھیا جو قومی اسمبلی دی قائمہ کمیٹی وی کل بدھ کوں بہاولپور یونیورسٹی دے وائس چانسلر کوں سݙیے اتے انتظامی افسراں کوں وی کمیٹی اجلاس اچ سݙیے۔ ایجھے واقعیاں نال تعلیمی اداریاں دی ساکھ خراب تھیندی اے جئیں کوں روکݨ کیتے کاروائی کیتی ویسی۔
