پشاور۔1دسمبر (اے پی پی):وفاقی وزیر انسداد منشیات اعجاز احمد شاہ آکھیے جو نینگر نسل کوں منشیات دی لعنت توں بچاوݨ اساݙا ہدف اے، اساں منشیات دی پیداوار آلے ملکاں اچ کائنی تاں جو آپݨی جغرافیائی پوزیشن دی وجہ توں ایں لعنت دا شکار بݨیے، منشیات دے خلاف جنگ دا آغاز کرݙتے جیں دے خلاف پوری قوم کوں اساݙا ساتھ ݙیوݨاں ہوسی ، منشیات توں پاک معاشرے کیتے ہر کہیں دا انفرادی طور تے کردار ادا کرݨ ضروری اے ، اے ڳال انہاں آرمرڈ کور سینٹر نوشہرہ اچ اینٹی نارکوٹکس فورس دے افسران دی پاسنگ آوٹ پریڈ توں خطاب کریندے ہوئیں آکھی اے ، ایں موقع تے وفاقی وزیر انسداد منشیات اعجاز احمد شاہ پاس آوٹ تھیوݨ آضے سارے اسسٹنٹ ڈائریکٹر،انسپکٹرز، سب انسپکٹرز، اسسٹنٹ سب انسپکٹرزتے زور ݙتے جو ملک تے قوم دیاں امیداں تے پورے لہن ،میکوں اے اکھیندے ہوئیں فخر محسوس تھیندا پئے جو ٹریننگ اتے پریڈ دا معیار ٻہوں چنڳاں ہئی ،جیں شعبہ دا انتخاب تساں کیتے اے آندیاں نسلاں دا مستقبل روشن و محفوظ کریسی ، انہاں آکھیے جو اے این ایف کوں مختلف چیلنجز دا سامݨا اے،اڄ دا دورففتھ جنریشن وار فیئر دا دور اے۔ انہاں آکھیے جو منشیات دی لعنت مکاوݨ اچ استاداں تے والدین دا وی اہم کردار اے۔
