اسلام آباد – 05 – آڪٽوبر (اي پي پي) وزيراعظم محمد شهباز شريف چيو آهي ته ٻوڏ سٽيلن جي لاءِ گڏيل قومن جي 816 ملين ڊالر جي نئين اپيل عالمي برادري پاران مسلسل حمايت جي گهرجائو آهي. پنهنجي ٽوئيٽ ۾ وزيراعظم چيو ته ٻوڏ متاثرين کي خوراڪ ۽ علاج جي ضرورت آهي. بحران واري ڪيفيت وڌڻ جي ڪري اسان کي پنهنجون ڪوششون تيز ڪرڻيون پونديون. وزيراعظم چيو ته تباهي آڻيندڙ ٻوڏ کان متاثر ماڻهن جي ضرورتن کي اجاگر ڪرڻ تي گڏيل قومن جي سيڪريٽري جنرل انتونيو گوتريس جي قائداڻي ڪردار کي ساراهيون ٿا.
