اسلام آباد۔21ستمبر(اے پی پی):نگراں وفاقی وزیر صحت ڈاکٹر ندیم جان آکھیے طب دے شعبہ اچ تحقیق و تربیت دے جدید تقاضیں کوں سامݨے رکھیندے ہوئیں جامعات اپݨا کردار ادا کرن ، صحت تے میڈیکل ایجوکیشن دی بہتری کیتے موثر اقدامات کیتے ویندے پئن ۔ اے ڳالھ انہاں خمیس کوں شہید ذوالفقار علی بھٹو میڈیکل یونیورسٹی دورے دے موقع تے آکھی اے ۔ ایں موقع تے وائس چانسلر ڈاکٹر تنویر خالق یونیورسٹی اچ مختلف تعلیمی سرگرمیاں، اڄوکی کارکردگی اتے پیش آندے چیلنجز تے بریفنگ ݙتی۔ وفاقی وزیر صحت آکھیے صحت اتے میڈیکل ایجوکیشن دی بہتری کیتے موثر اقدامات کیتے ویندے پئن ، طب دے شعبہ اچ تحقیق تے تربیت دے جدید تقاضوں کوں سامݨے رکھیندے ہوئیں جامعات آپݨا کردار نبھاون ۔
