پشاور۔30جنوری(اے پی پی) پولیس لائنز دی مسیت اچ خودکش دھماکےتوں 50 بندے زخمی تھی ڳئن ۔ ترجمان لیڈی ریڈنگ ہسپتال موجب پشاور دے علاقے صدر پولیس لائنز دی مسیت اچ دوران نماز خود کش دھماکہ تھئے جیں دے نتیجے اچ 50 دے نیڑے لوک زخمی تھی ڳئن ۔ خودکش حملہ آور نماز دے دوران پہلی صف اچ موجود ہئی ۔ خود کش بمبارنماز دے دوران خود کوں اݙیا ۔ ریسکیو ذرائع موجب دھماکے دی آواز اتنی شدید ہئی جو پرے پرے تئیں سݨی ڳئی تے مسیت دی چھت ڈھہہ ڳئی اے جیں اچ بہوں سارے لوک زخمی تھئن۔ ترجمان ݙسائے جو دھماکے دے بعد ریسکیو اہلکار موقع تے پڄ ڳئن تے زخمیاں کوں لیڈی ریڈنگ ہسپتال منتقل کیتا ویندا پئے جݙاں جو قانون نافذ کرݨ آلے اداریں دے اہلکار وی موقع تے پڄ ڳئن ۔ سکیورٹی اہلکاراں علاقے کوں سیل کرݙتے ۔
.jpg)
