کوئٹہ۔6جون (اے پی پی) ترجمان حکومت بلوچستان فرح عظیم شاہ بھارت دی حکمران جماعت بھارتیہ جنتا پارٹی (بی جے پی) دے رہنماواں دی طرفوں گستاخانہ ریمارکس دی شدید مذمت کریندے ہوئیں آکھیے جو دنیا نوٹس گھنے تے بھارت دی سرزنش کرے ۔انہاں آکھیے جو مودی دی قیادت اچ ہندوستان مذہبی آزادیاں کوں پامال کریندا پئے تے مسلماناں تے ظلم کیتے ویندے پئن ، انہاں آکھیے دنیا تے اقوامِ متحدہ کوں بھارت اچ مسلماناں تے ظلم وزیادتی تے پوری دنیا دے مسلماناں دے جذبات کوں مجروح کرݨ دا نوٹس گھنݨا چاہیدے،مسلماناں دی نبی کریم ﷺ نال محبت اتے احترام دی کوئی حد کائنی ، او پیغمبر اسلام ﷺ کیتے جان وی قربان کرسڳدن ، انہاں آکھیے گستاخانہ ریمارکس توں نہ صرف پاکستانی عوام بلکہ پوری دنیا دے ارباں مسلماناں دے جذبات کوں ٹھیس پڄی اے ۔
