اسلام آباد۔21اگست (اے پی پی) نگران وفاقی وزیر اطلاعات تے نشریات مرتضیٰ سولنگی نگران وزیراعلیٰ سندھ جسٹس (ر) مقبول باقر کوں ٹیلی فون کیتا اتے انہاں کوں نگران وزیراعلیٰ سندھ دی ذمہ واری سنبھالݨ تے مبارخ ݙتی۔ ݙوہیں رہنماواں شفاف انتخابات کراوݨ اچ الیکشن کمیشن دی مدد دا عزم کیتا۔نگران وزیر اطلاعات نگران وزیراعلیٰ سندھ نال مقتول صحافی جان محمد مہر دے کیس بارے وی ڳالھ کیتی۔ نگران وزیراعلیٰ سندھ نگران وفاقی وزیر اطلاعات کوں ݙسیا جو مقتول صحافی کیس اچ پیشرفت تھیندی پئی اے۔ جسٹس (ر) مقبول باقر مرتضیٰ سولنگی کوں نگران وفاقی وزیر ٻݨݨ تے مبارخ ݙتی۔
