اسلام آباد۔27دسمبر(اے پی پی):صدر مملکت ڈاکٹر عارف علوی آکھیے دہشت گردی دے خلاف لڑدے ہوئئیں جان دا نذرانہ پیش کرݨ آلے شہداء دی قربانیاں رائیگاں نہ ویسن ، قوم دہشت گردی دے مکمل خاتمے کیتے اپݨی سیکورٹی فورسز دے نال کھڑی اے ۔ منڳل کوں ایوان صدر دے پریس ونگ توں جاری بیان موجب صدر مملکت اے ڳالھ 20 دسمبر کوں بنوں دہشت گرد حملے اچ شہید تھیوݨ آلے اہلکاراں دے ورثاء نال ٹیلی فون تے ڳالھ مہاڑ کریندے ہوئیں آکھی اے ۔ انہاں شہداء دے ورثا نال اظہار افسوس کیتے۔ صدر مملکت آکھیے دہشت گردی کوں منڈھوں مکاوݨ تئیں آپݨے مشن توں نہ ہٹسوں ۔ انہاں شہداء کوں انہاں دی بہادری ، فرض شناسی اتے قوم کیتے قربانی تے خراج عقیدت پیش کیتے۔ صدر مملکت سپاہی بابر ایوب اتے لانس نائیک حلیم دےورثاء نال ٹیلی فون تے ڳالھ کیتی ۔ دہشت گردی دے خلاف لڑدے ہوئیں جان دا نذرانہ پیش کرݨ آلے شہداء دی قربانیاں رائیگاں نہ ویسن ۔ ڈاکٹر عارف علوی شہداء کوں خراجِ عقیدت پیش کیتے تے قوم کیتے انہاں دی خدمات دی تعریف کیتی ۔ صدر مملکت شہداء دے لواحقین نال اظہار ہمدردی کیتے تے انہاں کیتے صبر دی دعا کیتی ۔
