کالام۔31اگست(اے پی پی)وزیراعظم محمد شہباز شریف آکھیے جو صوبیاں نال رل تے چھل متاثرہ لوکاں دی بحالی، گھر ٻݨاوݨ اتے فصلاں دے ضیان دا ازالہ کریسوں، این ایف سی ایوارڈ دے تحت وسائل دی ونݙ نال صوبیاں دی آمدن ہݨ وفاق توں ودھ اے ٻھل ایندے باوجود رل تے کم کریسوں۔ اے ڳالھ انہاں کالام اچ سیلاب متاثرین نال ملݨ ویلھے آکھی۔ وزیراعظم کون سیلاب نال نقصانات اتے امدادی کماں بارے بریفنگ ݙتی ڳئی۔ وزیراعظم شہباز شریف آکھیا جو سیلاب پاروںس ارے رابطے، زمینی رستے کٹیڄ ڳین، پاکستان دے مختلف علاقیاں توں اتھاں آئے سیاح پھسیے ہوئں جنہاں کوں ولا ڳھر ٻیڄھݨے، مقامی لوکاں دے مشکور ہیں جئیں سیاحواں دا خیال رکھیے، اے ہی اصل اچ پاکستان دی خدمت اتے فرض دی مثال اے۔ انہاں آکھیا جو ایں اوکھ اچ سیلاب متاثرین کوں کلہا نا چھڑیسوں، اتحادی جماعتاں نال رل تے پوری کوشش اے جو متاثرین دی ودھ ٻھال کروں، آرمی چیف اتے ٻئے اداریاں دے سربران نال الیسآں جو او متاثرین دی ٻھال دی ودھ نگرانی کرن، پورے ملک اچ سیلاب متاثرین کوں ہر ٹٻر کیتے 25 ہزار روپے دے حساب نال کل 28 ارب روپے ݙیندے پئے ہیں جیڑھے این ڈی ایم اے ونݙیسی، فصلاں اتے گھراں کوں نقصان دا اندازہ لایا ویندا پئے جیندے کیتے صوبیاں نال رل تے امداد کریسوں۔ وزیراعظم آکھیا جو اے تنقید یا سیاست نئیں ٻھل اے خدمت دا ویلھا اے، سیاست اپݨے ویلھے تے کریسوں۔
