اسلام آباد۔12فروری (اے پی پی):وزیر داخلہ شیخ رشید احمد آکھیے جو پی ڈی ایم پوری کوشش کیتی جو او سرکاری ملازمین کوں مشتعل کرسڳن جیں اچ او بری طرح ناکام رہیے، الحمد اللہ وزیراعظم عمران خان کل گریڈ ہک توں 19 تئیں دے مرکزی سرکاری ملازمین دیاں تنخواہیں اچ 25 فیصد دا ودھارا کرݙتے صوبیں کوں ہدایت کیتی اے جو او وی اساݙی ہدایت تے عمل کرݨ دی کوشش کرن ، پمز دے ڈاکٹراں تے ساریں توں وݙی ڳالھ تحریک لبیک پاکستان (ٹی ایل پی) نال اساݙا معاملہ چنڳے طریقے نال طے پاڳئے ۔ جمعے کوں اے ڳالھ انہاں آپݨے ہک ویڈیو پیغام اچ آکھی اے ۔شیخ رشید احمد آکھیے جو گریڈ ہک توں 19 تئیں دے مرکزی سرکاری ملازمین دیاں تنخواہواں اچ 25 فیصد ودھارے دے علاوہ پمز دے ڈاکٹراں دے نال معاملات چنڳے طریقے نال طے پاڳئن تے ساریں توں وݙی ڳالھ تحریک لبیک پاکستان (ٹی ایل پی) نال اساݙا معاملہ چنڳے طریقے طے تھی ڳئٖ ۔ انہاں آکھیے جو موجودہ حکومت ناموس رسالت دے تحفظ کیتے کجھ وی کرݨ کوں تیار اے ۔
