اسلام آباد – 30 نومبر (اي پي پي) وزيراعظم عمران خان بجلي چوري تي سخت ڳڻتي جو اظهار ڪندي چيو آهي ته اها ڳالهه ڪنهن طور تي به قبول ناهي ته جيڪي ماڻهو باقاعدگي سان پنهنجا بل ادا ڪن انهن کي ڪجهه عنصرن جي چوري سبب لوڊشيڊنگ کي منهن ڏيڻو پوي، وڏو وزير ۽ بجلي وارو وزير پريس ڪانفرنس جي ذريعي هي معاملو عوام جي سامهون اجاگر ڪن ۽ سڄي ملڪ ۾ بجلي چوري جي خلاف جاري حڪومتي ڪريڪ ڊائون ۾ انهن جي مدد حاصل ڪئي وڃي. وزيراعظم عمران خان جي صدارت ۾ پاور جي شعبي بابت مسئلا بحث هيٺ آڻن جي حوالي سان اجلاس منقعد ٿيو جنهن ۾ خصوصي طور تي بجلي چوري جي خلاف ڪريڪ ڊائون ۽ پاور سيڪٽر جي نقصانن کي روڪڻ جي حوالي سان اڳڀرائي کان به آگاهه ڪيو ويو.
