اسلام آباد۔5ستمبر(اے پی پی):نگراں وزیر خارجہ جلیل عباس جیلانی نال انسانی حقوق اتے تریمتیں کوں بااختیار ٻݨاوݨ کیتے معاون خصوصی مشعال حسین ملک ملین۔ انہاں وزارت خارجہ اتے انسانی حقوق دی وزارت وچال شراکت داری ودھاوݨ اتے اقوام متحدہ دی جنرل اسمبلی دے اجلاس سودھا بین الاقوامی سطح تے پاکستان دا مؤقف اڳونہا کرݨ تے الایا۔ ملاقات اچ غیر قانونی بھارتی مقبوضہ جموں و کشمیر اچ ہزاراں سیاسی کارکناں، صحافیاں اتے انسانی حقوق دا دفاع کرݨ آلے کارکناں دی گرفتاریاں تے وی غور کیتے۔ انہاں بھارتی حکام ولوں کشمیری رہنماواں اچ سب توں اہم یاسین ملک دی سزائے موت دی اڄوکی اپیل تے چنتا کیتے۔
