لاہور۔11 فروری(اے پی پی ) وفاقی وزیر ریلوے خواجہ سعد رفیق آکھے جو پاکستان تحریک انصاف آپ کوں نقصان پجاونڑ دے نال نال حکومت دا وی وقت ضائع کیتے ، پی ٹی آئی اتے پی پی پی ہوش کرے ، جمہوریت کیتے چنگا اے ہے جو سارے آپنڑیں حدود اچ رہ تے گالھ کرن ۔ پاکستان ریلوے اچ سارے انجنڑ6 ٹریکشن موٹرز اُتے چلدے پئے ہن جئیں پاروں انجنڑ فیل تھیونڑ دے واقعات گھت تھی گئے ہن ۔ ریلوے دی اکانومی کلاس کوں سٹینڈرڈز اے سی اچ تبدیل کرنڑ دا فیصلہ کیا گئے جیندے اُتے 5 توں 7 سال لگسن۔ ا وچھنڑ چھنڑ کوں رائیونڈ ریلوے اسٹیشن دا سنگ بنیاد رکھنڑدی تقریب نال خطاب کریندے پئے ہن ۔ ایں موقعے تے ممتاز عالم دین مولانا طارق جمیل،رکن قو می اسمبلی ملک افضل کھوکھر،رکن صوبائی اسمبلی چوہدری گلزار،چیف ایگزیکٹو آفیسر ریلوے جاوید انور سمیت بئے ریلوے حکام وی موجود ہن ۔ وفاقی وزیر خواجہ سعد رفیق آکھیا جو پاکستان مسلم لیگ (ن) دے کارکناں لوکیںکوں ووٹ دا حق ڈیواونڑ کیتے جیلاں اچ گئے جڈانجو عمران خان دھرنا (2 )ٹو اچ پش اپ لا تے لُک گئے ۔ وفاقی وزیر آکھیا جو رائے ونڈ ریلوے اسٹیشن دا سنگ بنیاد رکھنڑ نال اساڈے خواب دی تعبیر پوری تھیونڑ شروع تھی گئی ہے ۔ اساڈے اقتدار اچ آونڑ توں پہلے بہوںسارے ریلوے اسٹیشن بھوت بنگلے بنڑے ہوئے ہن جنہاں اچوں کجھ ٹھیک تھی گئے ہن اتے کجھ باقی ہن ۔ رائیونڈ ریلوے اسٹیشن دی تعمیر دا کئی بیا مقصد کائنی ، تبلیغی جماعتاں کوں آونڑ ونجنڑ دیاں سہولتاںڈیونڑ ہے ۔ انہاں آکھیا جو رائے ونڈ ایم ایل ون اُتے ہے اتے سی پیک دا فیز I اتھاں توں تھی تے ویندے ۔ آندے سال دے شروع اچ ایندے اُتے کم شروع تھیسی ۔ انہاں آکھیا جو ریل گاڈی دے حادثیاں اچ زیادہ تر انسانی غلطی شامل ہوندی ہے ، نظام دی غلطی کتھائیں کائنی ملی ۔
.jpg)
