اسلام آباد۔19مئی (اے پی پی) وفاقی وزیر برائے ماحولیاتی تبدیلی سینیٹر شیری رحمان آکھیا جو عمران خان ملک اچ تقسیم اتے نفرت دی جیڑھی بنیاد رکھی اے ایندے ملک تے دوررس اثرات پوسن، عمران خان ملک تے قوم توں معافی منگݨ دی بجائے نو مئی دے واقعیاں دا دفاع کریندے پے۔ جمعے کوں اپݨے ٹویٹ اچ انہاں آکھیا جو عمران خان پارٹی اندر آواز چاوݨ دے بعد نو مئی دے واقعیاں دی مذمت نی کیتی، سارے ڄاݨدن جو کون مذمت کریندا پے اتے کون اینکوں کامیابی سمجھدے۔ شیری رحمان آکھیا جو پورے ملک اچ ہک بندہ اے جیڑھا نو مئی دے حملیاں دی مذمت نی کریندا، ہݨ آکھدن پاک فوج کوں تحریک انصاف دے خلاف کھڑاوݨ دی سازش ملک دے ٹکڑے کر سڳدی اے۔ پی ٹی ائی اتے اداریاں وچال اگر کوئی سازش کریندا پے تاں او عمران خان آپ اے، انہاں دی انتشار دی سیاست اے۔
