لاہور۔23اپریل(اے پی پی) نگران وزیراعلی پنجاب محسن نقوی ملتان دے علاقے اچ پولیس اہلکاراں دی فائرنگ توں ݙو نوجواناں دے جاں بحق تھیوݨ دے واقعہ دا نوٹس گھندے ہوئیں آئی جی پنجاب توں رپورٹ منگ ڳھدی ۔ وزیراعلی محسن نقوی پولیس اہلکاراں دی فائرنگ توں ݙو نوجواناں دی ہلاکت تے افسوس دا اظہار کیتے تے فائرنگ کرݨ آلے پولیس اہلکاراں دے خلاف قانونی و محکمانہ کارروائی دی ہدایت کیتی۔محسن نقوی آکھیے ملتان اچ پیش آئے افسوسناک واقعہ دی جامع انویسٹی گیشن کرتے ذمہ واراں دا تعین کیتا ونڄے تے جاں بحق نوجواناں دے لواحقین کوں انصاف دی فراہمی یقینی بݨائی ویسی ۔ نگران وزیر اعلی پنجاب آکھیے پولیس دے نوجواناں دے لواحقین کوں یقین ݙوینداں جو انہاں دے نال ہر قیمت تے انصاف تھیسی ، جاں بحق نوجواناں دے لواحقین نال دلی ہمدردی اے تے انہاں دا تعزیت کرینداں ۔
