اسلام آباد۔9دسمبر (اے پی پی) وفاقی وزیر اطلاعات، نشریات، قومی ورثہ تے ثقافت عطاء اللہ تارڑ آکھیا جو مدارس کوں قومی دھارے اچ ڳھن آوݨ اتے انہاں دی رجسٹریشن کیتے مشورے دے بعد نظام ٻݨایا ڳئے۔ وزارت تعلیم دے تحت مدرسیاں دی رجسٹریشن دے ثمرات ملݨ شروع تھی ڳئن۔ مدارس دے طلباء ڈاکٹرز اتے انجینئر ٻݨدے پئن۔ مدارس بل بارے حکومت علماء کرام دی تجویزاں تے مشورہ کریسی۔ مولانا فضل الرحمان قابل احترام ہن، انہاں دی تجویزاں وی سݨسوں۔ ایں بارے ایجھا حل چاہندوں جو ساریاں کوں قبول ہووے۔ سنوار کوں مقامی ہوٹل اچ مدارس دی رجسٹریشن اتے اصلاحات بارے علماء تے مشائخ دے اجلاس توں خطاب کریندیں ہوئیں وفاقی وزیر اطلاعات آکھیا جو مدریاں کوں قومی دھارے اچ ڳھن آوݨ اتے انہاں دی رجسٹریشن کیتے وسیع مشورے دے بعد نظام ٻݨایا ڳئے جئیں دے تحت 18 ہزار مدرسیاں رجسٹریشن کرائی اے۔ وزارت تعلیم ولوں مدارس دی رجسٹریشن دے ثمرات آوݨ شروع تھی ڳئن۔ انہاں آکھیا جو وزارت تعلیم ای ہائر ایجوکیشن کمیشن کوں ریگولیٹ کریندی اے۔ ملک دی ساری جامعات وی ایندے تحت ہن، مدارس دی رجسٹریشن وزارت تعلیم ولوں مدرسے توں فارغ التحصیل طالب علماں دے حقوق کوں تحفظ ݙتا ڳئے۔ مدرسے دے طلباءکوں او سارے موقع ہوون جو کہیں وی یونیورسٹی یا کالج اچ پڑھݨ آلے طالب علماں کوں میسر ہوون۔ ڈائریکٹوریٹ جنرل مذہبی تعلیم اچ 18 ہزار مدرسیاں دی رجسٹریشن تھی ڳئی اے جئیں تے ڈائریکٹر جنرل مذہبی تعلیم کوں مبارخ ݙینداں۔ انہاں آکھیا جو مدرسیاں دی رجسٹریشن دے عمل اچ علماء کرام دی کوششاں وی شامل ہن۔ انہاں آکھیا جو مدارس بل بارے حکومت علماء کرام دی تجویزاں تے مشورہ کریسی۔ مولانا فضل الرحمان قابل احترام ہن، انہاں دی تجویزاں وی سݨسوں۔ وفاقی وزیر عطاء اللہ تارڑ ایں موقع تے نوابزادہ نصراللہ خان دی نظم دے کڄھ شعر وی پڑھیے جو ”پھر شور سلاسل میں سرور ازلی ہے، پھر پیش نظر سنت سجاد ولی ہے، اک برق بلا کوند گئی سارے چمن پر، تم خوش کہ مری شاخ نشیمن ہی جلی ہے، دو حق و صداقت کی شہادت سر مقتل، اٹھو! کہ یہی وقت کا فرمان جلی ہے!، ہم راہ رو دشت بلا روز ازل سے اور قافلہ سالار حسینؓ ابن علیؓ ہے!۔“
