اسلام آباد۔5دسمبر(اے پی پی) نگران وفاقی وزیر اطلاعات، نشریات و پارلیمانی امور مرتضیٰ سولنگی آکھیے تماخوں نوشی توں ہر چھی سیکنڈ بعد ھک بندے دی موت تھیندی اے ۔ ہر سال 50 لکھ لوک جان دی بازی ہر ویندن جݙاں جو ویھویں صدی اچ 10 کروڑ لوک تماخوں نوشی پاروں آپݨی زندگیاں توں محروم تھئن ۔ اے ڳالھ انہاں ٻالاں کوں تمباخوں نوشی دے اثرات اتے ضیان دی آگاہی ݙیوݨ دی تقریب توں خطاب کریندے ہوئیں آکھی اے ۔ نگران وفاقی وزیر اطلاعات آکھیے تماخوں نوشی دے حوالے نال کجھ اہم سوال پچھݨ ضروری ہن ، اے ایجھی بیماری اے جیں پاروں اوسطاً ہر چھی سیکنڈ بعد ھک بندے دی موت تھیندی اے جݙاں جو ہر ڈاہ لوکاں اچوں ھک بندے دی موت تماخوں نال تھیندی اے ۔ انہاں آکھیے پوری دنیا اچ سالانہ 50 لکھ اموات تمباخوں نال تھیندن ۔ انہاں ݙر ظاہر کیتے جو تمباخوں دی جنگ ایں شدت نال جاری رہی تاں 2030ءتئیں ایندے نال ہلاک تھیوݨ آلیں دی تعداد 50 لکھ توں ودھ تے 80 لکھ تئیں پڄ ویسی ۔ مرتضیٰ سولنگی تماخوں دے خلاف جنگ دے ہیروز کوں سلام پیش کریندے ہوئیں آکھیے تمباخوں نوشی نشہ کائنی موت دی گولی اے، اے انسانی زندگیاں سانڳے خطرہ اے ۔ انہاں آکھیے جتھاں ٻئے مضر صحت چیزاں دا ذکر کیتا ویندے اتھاں تمباخوں دا ذکر وی تھیوݨا چاہیدے۔ انہاں آکھیے تماخوں تے ٹیکسز اچ ودھارا ایندی حوصلہ شکنی سانڳے ضروری اے ، ماحولیاتی تباہی وانڳوں تماخوں وی انسانی زندگیاں سانڳے خطرہ اے ۔ ایندے اساں روزانہ اپݨی زندگی اچ ݙیکھدوں ۔ انہاں آکھیے تماخوں نوشی پاروں صحت دے شعبے اچ خرچے وی ودھ ویندن ۔ مرتضیٰ سولنگی آکھیے جݙاں او وزیر کائناں ہن او ویلھے وی تمباخوں نوشی نال لڑݨ آلے ہیروز دے حامی ہن اڄ وی ہن تے کل وی حامی رہسن ۔
