اسلام آباد۔27جولائی(اے پی پی):وزارت مذہبی امور سرکاری سکیم دے تحت حاڄیاں کوں ٻئے 12 ارب روپے ولا ݙیوݨ دا اعلان کیتے۔ ہر حاجی کوں 97 ہزار روپے ولا ݙتے ویسن، منیٰ اچ ڄاہ نا ملݨ اتے ٹرین دی سہولت توں فیدہ چاوݨ آلے 22 ہزار 600 حاجیاں کوں 21 ہزار روپے ݙتے ویسن، مدینہ منورہ اچ مرکزیہ تو ٻاھرو رہ ونڄݨ آلے 18 ہزار حاجیاں کوں 14 ہزار روپے ݙتے ویسن۔ وفاقی وزیر مذہبی امور سینیٹر محمد طلحہ محمود آکھیے جو پرائیویٹ سکیم دے حج آپریشن توں سخت مایوسی تھئی اے، حاجیوں توں 25، 25 لکھ روپے وٹھ تے اوکھا کیتا ڳئے، اینجھے ٹور آپریٹرز دے خلاف شکایات دی فوری سماعت دا آکھیے جو سخت کارروائی تھیوے۔ پریس کانفرنس اچ انہاں اکھیا جو حج 2023 دا آپریشن مکمل تھیوݨ آلا اے، 2 اگست کوں چھیکڑی پرواز ولا وطن پڄ ویسی جیندے بعد ول حج 2024 دی تیاریاں شروع کرݙیسوں جو اے مسلے ولا نا تھیون اتے ہر شے دی پہلے توں تیاری ہووے اتے حاڄیان کوں سوکھ ملے۔ انہاں آکھیا جو آندے سال دا ہک لکھ 79 ہزار 210 حاجیاں دا کوٹہ پاکستان کوں مل چکیے۔
