پشاور۔24ستمبر (اے پی پی):سیلاب متاثرین دی ہر طرح مدد تے ریلیف ݙیوݨ کیتے سارے وسائل استعمال کیتے ویندے پئن ، سیلاب زدگان دی مستقل بحالی دا کم ہنگامی بنیاداں تے شروع کرݙتا ڳئے ، ایں مقصد کیتے محکمہ خزانہ دی طرفوں مزید ہنگامی فنڈ ݙتے ویندے پئن ۔ خیبرپختونخوا حکومت حکام دا آکھݨ اے جو سیلاب نقصانات دے ازالے کوں یقینی بݨاوݨ کیتے اسسمنٹ کمیٹیاں تشکیل ݙے ݙتیاں ڳئن جیڑھیاں جو متاثرہ علاقیں اچ جدید نظام دے ذریعے کوارڈینیٹس حاصل کریندیاں پئن تاں جو صرف فنڈ دی منصفانہ تقسیم کوں یقینی بݨایا ونڄے بلکہ کوئی وی حقدار اپݨے حق توں محروم نہ رہے۔ اڄوکے سیلاب توں قیمتی جانی ضیان دے علاوہ تقریباً 70ہزار ایکڑ توں ودھ زمیناں تے کھڑیاں فصلاں تے باغاں کوں ضیان پڄے ۔ حکومت، انتظامیہ تے سارے ادارے ایں آفت نال نبݨم ، امداد تے ریلیف ݙیوݨ کیتے ݙینھ رات کم کریندے پئن ۔
