اسلام آباد- 17 سيپٽمبر (اي پي پي) سينيٽ چيئرمين سيد يوسف رضا گيلاني چيو آهي ته اسلام هڪ مڪمل ضابطه ح??ات آهي جيڪو زندگيءَ جي مختلف رُخن جي باري ۾ اسان لاءِ رهنما اصول فراهم ڪري ٿو جنهن جي روشنيءَ ۾ اسان مختلف شعبن ۾ درپيش مسئلن تي ڪاميابيءَ سان ضابطو آڻي سگهون ٿا، اسلامي تعليم معاشري جو بنيادي جُز آهي، علم کا??سواءِ هڪ اسلامي مثالي معاشري جو خواب ساڀيان نٿو ٿي سگهي، اسان سڀني جي گڏيل ذميداري آهي ته شاگردن کي اخلاقي اعتبار سان بهتري انسان بڻايون. اهڙن خيالن جو اظهار هن مذهبي معاملن واري وزارت جي انتظام هيٺ ??يد ميلادالنبيﷺ جي موقعي تي رٿيل قومي سيرت النبيﷺ ڪانفرنس جي پڄاڻيءَ واري سيشن کي خطاب ڪندي ڪيو. ڪانفرنس جو ٻيو پڄاڻيءَ وارو سيشن سينيٽ چيئريمن جي صدارت هيٺ ??ناح ڪنوينشن سينٽر ۾ ٿيو جنهن کي مذهبي معاملن واري وفاقي وزير چوڌري سالڪ حسين، ڪي پي ڪي جي گورنر فيصل ڪريم خان ڪنڊي ۽ ٻين ناميارن عالمن خطاب ڪيو. سيد يوسف رضا گيلاني شرڪت ڪندڙن کي خطاب ڪندي چيو ته مان اوهان سڀني کي سيرت النبيﷺ ڪانفرنس رٿڻ تي مبارڪون پيش ڪيان ٿو. ملڪ جي ڪنڊڪڙڇ مان آيل ناميارن عالمن ۽ معزز مهمانن جو بيحد ٿورائتو آهيان جن پنهنجي شرڪت سان هن ڪانفرنس کي ڪامياب بڻايو. مان صدر مملڪت آصف علي زرداري ۽ پنهنجي طرفان هڪ ڀيرو ٻيهر اوهان کي ڪانفرنس ۾ شرڪت تي ڀليڪار چوان ٿو. هن چيو ته حضور اڪرمﷺ جي حيات طيبه اسان لاءِ بهترين نمونو آهي، هر مسلمان جو اهو فرض آهي ته هو حضور اڪرمﷺ جي تعليمات تي پنهنجي زندگيءَ ۾ عمل ڪرڻ جي ڪوشش ڪري، اسلام جي دعوت جو بينادي مقصد علم کا??سواءِ ممڪن ناهي. سينيٽ چيئرمين چيو ته الله تعاليٰ حضور اڪرمﷺ کي نه صرف اُمت لاءِ استاد بڻائي موڪليو پر پاڻ سڳورنﷺ جي حيات طيبه ذريعي دين جي تعليمات جو عملي نمونو به ڏيکاريو، پاڻ سڳوراﷺ جن هڪ مثالي اسلامي معاشري جو بنياد رکيو، اهو پاڻ سڳورنﷺ جي عيوض ئي ممڪن ٿيو ته قرون اوليٰ جي مسلمانن دنيا ۾ هڪ ممتاز مقام حاصل ڪيو، مسلمانن کي اهو پيغام پنهنجي علمي ۽ اخلاقي برتري سبب حاصل ٿيو. الله تعاليٰ قرآن ڪريم جي نازل جي شروعات ??اق??اء ۽ قلم ذريعي علم سيکارڻ“ سان ڪئي، حضور اڪرمﷺ پنهنجي زندگيءَ ۾ اُمت ۽ پنهنجن صحابن جي تعليم ۽ تربيت جو خاص اهتمام ڪيو، اوهان هڪ طرف مسجد نبوي ۾ اهل صفه جي تعليم جو بندوبست ڪيو ۽ ٻي طرف جنگي قيدين لاءِ آزاديءَ جي بدلي پڙهيل صحابين کي تعليم ڏيڻ جي شرط رکي. اهڙيءَ طرح نبوت جي مختلف دؤرن ۾ مختلف قبيلن ۽ علائقن طرف استادن جي روانگيءَ جو سلسلو به جاري رهيو. سينيٽ چيئرمين چيو ته ته پنهنجي شهرين جي تعليم جو بندوبست ڪرڻ اسلامي رياست جي فرضن ۾ شامل آهي. ڪنهن به تعليمي نظام جو مقصد هڪ مڪمل انسان جي جوڙجڪ هئڻ گهرجي، حضور اڪرمﷺ فرمايو ته مون کي اخلاق جي اعليٰ قدرن کي پورو ڪرڻ لاءِ موڪليو ويو آهي. سينيٽ چيئرمين چيو ته اها اسان سڀني جي ذميداري آهي ته اسان پنهنجي تعليمي نظام ۾ ان ڳالهه تي ڌيان ڏيون ته شاگردن کي اخلاقي اعتبار سان بهترين انسان بڻايون. هن چيو ته اسان جو تعليمي نظام اهڙا ماڻهن پيدا ڪيا جيڪي حقوق الله، حقوق العباد ۽ پنهنجي ديني، اخلاقي، سماجي ۽ انساني ذميدارين سان مڪمل ڄاڻ رکندا هجن، کين پنهنجي خالق ۽ رب سان تعلق ۽ ان دنيا ۾ انسان جي مقام جو مڪمل ادراڪ هجي، اسان جو نظام اسان جي ٻارن کي عبادتن ۽ معاشري جي عادتن جي باري ۾ تعليم ڏيڻ، ان جي اندر اسلامي قدرن خاص طور تي ديانتداري، صداقت، عهد جي پابندي، والدين سان بهترين سلوڪ، سماجي ۽ معاشي انصاف ۽ رواداري جي اهميت اجاگر ڪن، اهڙو نظام هجي جيڪو اسان جي ماڻهن کي اخلاقي ۽ ديني ذميداريون پوريون ڪرڻ جو تابع بڻائي. هن چيو ته علم حاصل ڪرڻ هر مسلمان تي فرض آهي.
