اسلام آباد – 05 سيپٽمبر (اي پي پي) وزيراعظم شاهد خاقان عباسي چيو آهي ته زراعت اسان جي معيشت جو اهم شعبو آهي، حڪومت ان جي پائيدار ترقي تي ڌيان ڏئي رهي آهي، قومي غذائي تحفظ ۽ تحقيق واري وزارت ملڪ ۾ غذائي تحفظ کي يقيني بنائڻ جا مناسب طريقا ڳولڻ جي لاءِ پاليسي فريم ورڪ تي ڪم ڪري، اسان جي زرعي پاليسي جا مکيه جز ننڍا آبادگار هجڻ گهرجن ته جيئن انهن کي وڌ کان وڌ سهولتون ڏئي سگهجن. هن اها ڳالهه وزيراعظم افيس ۾ زرعي شعبي بابت ڏنل بريفنگ دوران چئي.
