گڏيل قومون- 17 ڊسمبر (اي پي پي) روس جي درخواست تي گڏيل قومن جي سلامتي ڪائونسل جو اجلاس 20 ڊسمبر تي ٿيندو، جنهن ۾ يوڪرين کي اولهندي هٿيارن جي فراهمي جو معاملو غور هيٺ آندو ويندو. پرڏيهي ميڊيا مطابق گڏيل قومن ۾ روس جي مستقبل نمائندي اول دمتري پوليانسڪي پنهنجي ٽيلي گرام چينل تي چيو ته اسان يوڪرين کي اولهندي هٿيارن جي فراهمي سان لاڳاپيل گڏيل قومن جي سلامتي ڪائونسل کي اجلاس منعقد ڪرڻ جي درخواست ڪئي جيڪو 20 ڊسمبر تي ٿيندو. ان کانسواءِ اولهندي ملڪن جي درخواست تي يوڪرين جي صورتحال تي گڏيل قومن جي سلامتي ڪائونسل جو هڪ ڌار اجلاس به ٿيڻو آهي.
