اسلام آباد ۔ 11جولائی (اے پی پی) چیئرمین سینیٹ محمد صادق سنجرانی لاہور توں کوئٹہ ویندی اکبر ایکسپریس ریل گاڈی دے المناک حادثے تے افسوس دااظہار کیتے جیں حادثے دے نتیجے اچ بہوں سارے لوک جاں بحق تھی گن ،سینیٹ سیکرٹریٹ توں جاری بیان دے مطابق چیئرمین سینیٹ ڈکھی خانداناں نال تعزیت دا اظہار کیتے زخمیاں دی وختی چنگی صحت کیتے دعا منگی اے ۔انہاں اللہ سئیں توں دعا کیتی اے جو جاں بحق تھیونڑ آلے لوکاں کوں جوار رحمت اچ جاہ ڈیوے۔انہاں آکھیا زخمی لوکاں کوں بہترین طبی سہولتاں ڈتیاں ونجن ۔مستقبل اچ ایجھے حادثیں کوں روکنڑ کیتے موثر حکمت عملی اپنائی ونجے ۔
