اسلام آباد۔12جنوری (اے پی پی) نوبل انعام یافتہ ملالہ یوسفزئی آکھیا جو تعلیم ہر ٻالڑی دا بنیادی حق اے، دنیا اچ 120 ملین ٻالڑیاں مختلف وجوہات پاروں سکول نی ونڄ سڳدی۔ آݙت وار کوں اسلام آباد اچ ٻالڑیاں دی تعلیم بارے تھیوݨ آلی ݙو ݙینھ دی کانفرنس توں خطاب کریندیں ہوئیں انہاں آکھیا جو میں پاکستان توں آپݨا پندھ شروع کیتے اتے میݙا دل ہمیشہ پاکستان رہندے۔ انہاں آکھیا جو تعلیم ہر ٻالڑی دا بنیادی حق اے۔ تریمتیں دی تعلیم میݙے دل دے نیڑے اے۔ سکھݨ اساݙی اسلامی تعلیمات اچ شامل اے۔ انہاں آکھیا جو حضرت عائشہؓ اتے فاطمہ جناح سویں تریمتیں اساݙے کیتے سوجھلا ہن۔ انہاں آکھیا جو اے حقیقت اے جو کئی حکومتاں ٻالڑیاں دی تعلیم کوں نظر انداز کریندی رہین۔ نظر انداز کرݨ دے باوجود اڄ ٻالڑیاں دی تعلیم دا معاملہ مختلف ںظردے۔ انہاں آکھیا جو غزہ اچ اسرائیل سکولاں کوں تباہ کر ݙتے۔ غزہ اچ نوے فیصد یونیورسٹیاں وی تباہ تھی ڳئن۔
.jpg)