اسلام آباد۔22جولائی (اے پی پی) وفاقی وزیر اطلاعات، نشریات، قومی ورثہ تے ثقافت عطااللہ تارڑآکھیا جو آندے ویلھے موسمیاتی تبدیلی وݙا چیلنج ہوسی، اساکوں آپݨی نسلاں کوں محفوظ ٻݨاوݨ کیتے ودھ توں ودھ وݨ لاوݨے پوسن۔ اے ڳالھیں انہاں سنوار کوں کیپیٹل ڈویلپمنٹ اتھارٹی (سی ڈی اے) ولوں مارگلہ ہلزاچ وݨ لاوݨ مہم بارے تقریب توں خطاب کریندیں ہوئیں آکھی۔ انہاں آکھیا جو اسلام آباد دا شمار سوھݨے شہراں اچ تھیندے، اساکوں فخر اے جو اسلام آباد اساݙا کیپیٹل اے، دنیا دے کئی ملک ݙو??ھے ملک توں وݨ اتے گھاہ درآمد کر تے آپݨے ملک اچ لیندن۔ اللہ تعالیٰ دا شکر اے جو اوں اساکوں سوھݨے دارالحکومت نال نوازیے۔ انہاں آکھیا جو مارگلہ نیشنل پارک اسلام آباد دی سنڄاݨ اے جئیں تے اساکوں ماݨ اے۔ اسلام آباد دے شہریاں توں گزارش اے جو او ایں مہم اچ ودھ توں ودھ وݨ لاون۔ وفاقی وزیر اطلاعات مارگلہ نیشنل پارک اچ ٻھاہ لڳݨ دے وا??عے دا ذکر کریندیں ہوئیں آکھیا جو ٻھاہ پاروں ٻہوں ضیان تھیے پر سی ڈی اے، وزارت موسمیاتی تبدیلی، فائر بریگیڈ، محکمہ جنگلات دی ٹیماں کوں شاباش ݙینداں جو انہاں آپݨی جان دی پرواہ کیتے بغیر رات دیر تئیں ٻھاہ و??ماوݨ دا کم کیتا۔ انہاں آکھیا جو ’’ ٹریک یوئر ٹری‘‘ (Track your tree ) دے ناں نال جلدی ایپلی کیشن لانچ تھیسی۔ ایں ایپلی کیشن نال شہری آپݨے لاتے ڳئے پودے یا وݨ دی بڑھوتری ݙیکھ سڳسن۔ انہاں آکھیا جو آندے ویلھے موسمیاتی تبدیلی وݙا چیلنج ہوسی، اساکوں آپݨی نسلاں کوں محفوظ ٻݨاوݨ کیتے ودھ توں ودھ وݨ لاوݨے پوسن۔ اسلام آباد دے شہریاں توں گزارش اے جو او ایں مہم اچ ودھ توں ودھ وݨ لاون۔
.jpg)
