اسلام آباد۔16جنوری(اے پی پی) قومی ادارہ صحت ( این آئی ایچ) آکھیے پورے ملک توں چووی گھنٹے اچ کورونا وائرس دے11کیس رپورٹ تھئن ۔ سنوار کوں این آئی ایچ دی طرفوں جاری اعدادوشمار موجب پورے ملک اچ گزریل چووی گھنٹے اچ 3ہزار85کورونا ٹیسٹ کیتے ڳن جنہاں اچوں 11ٹیسٹ مثبت آئے ۔ایں دوران کورونا ٹیسٹ دی مثبت شرح 0.36 فیصد رہی اے۔ گزریل 24گھنٹے اچ کورونا وائرس توں متاثرہ 14 مریضاں دی حالت تشویشناک اے۔ پورے ملک دے مختلف شہراں اچ 24گھنٹے اچ کیتے ڳئے ٹیسٹاں دی رپورٹ موجب راولپنڈی اچ 240ٹیسٹ کیتے ڳئن جنہاں اچوں ھک ٹیسٹ مثبت آئے جݙان جو اتھاں مثبت کیساں دی شرح 0.42فیصد رہی، لاہور اچ 790 ٹیسٹ کیتے ڳئن جنہاں اچوں 4ٹیسٹ مثبت آئے اتے شرح 0.51فیصد رہی ، کراچی اچ 190ٹیسٹ مثبت کیس ھک تے شرح 0.53 فیصد جݙاں جو اسلام آباد اچ 100ٹیسٹاں اچوں ھک ٹیسٹ مثبت اتے مثبت کیسز دی شرح ھک فیصد رہی اے۔
