اسلام آباد۔4فروری (اے پی پی) وزیراعظم دے ترجمان تے معاون خصوصی برائے سیاسی ابلاغ ڈاکٹر شہباز گِل آکھیا جو ملک دی معیشت سدھے پاسے ٹردی پئی اے، ماضی اچ ملک کوں قرضے دی دلدل اچ سٹݨ آلے اڄ قرضے دے نقصان ݙسیندے پئن۔ اے ڳالھیں انہاں جمعے کوں مریم اورنگزیب دے بیان تے ردعمل اچ آکھی۔ انہاں آکھیا جو ماضی اچ قرضے ڳھن تے ملک چلاوݨ آلے ماہرین معیشت دا نی سوچیا، قرض اتارو ملک سنوارو دا نعرہ لاوݨ آلے ٻئے قرضے ڳھدے۔ انہاں آکھیا جو نااہلاں ولا ولا قرضہ ڳھدا پر معیشت کوں پیراں تے نی کھڑایا۔ ماضی اچ قرضے ڳھندیں ہوئیں اوندے منفی اثرات آلے پاسے توجہ کیوں نی ݙتی ڳئی؟ انہاں آکھیا جو ماضی دی حکومتاں دے کھٹے ہوئے کھݙے بھرݨ کیتے آئی ایم ایف ݙے ڳیسے، اڄ پاکستان دی معیشت سدھے پاسے ٹردی پئی اے۔
