اسلام آباد۔1جولائی(اے پی پی)وزیراعظم محمد شہباز شریف آکھیے جو کاروبار دوست پالیسیاں نال ملکی معیشت تکڑی اتے بیرونی سرمایہ کاراں دا اعتماد بحال تھئے، صنعت، زراعت، انفارمیشن ٹیکنالوجی دے شعباں اچ ترقی نال معیشت ٻعی تکڑی تھیسی اتے نواں روزگار ملسی۔ اے ڳالھ انہاں اسلام آباد اچ تاجر برادری دے وفد نال ملݨ ویلھے آکھی۔ وزیراعظم آکھیا جو ملک معاشی طور تے پٹڑی تے آ ڳئے، بجٹ اچ عوام کوں ودھ سوکھ ݙیوݨ دی کوشش کیتی اے، ملکی برآمدات ودھاوݨ ترجیح اے، برآمدی صنعت دی ترقی کیتے بجٹ اقدامات کریندے پئے ہیں، برآمد کنندگان کوں فوری ریفنڈز ݙیوݨ دا آکھ ݙتے۔ وفد وزیراعظم دی معیشت تکڑی کرݨ، کاروبار و سرمایہ کار دوست پالیسیاں اتے بجٹ اچ کاروباری برادری کوں سوکھ ݙیوݨ تے تریف کیتی۔ ملاقات اچ شہزاد سلیم، زید بشیر، مصدق ذوالقرنین اتے شہریار چشتی شامل ہن۔(ج، م/ ڈ،س،ک)
