اسلام آباد۔5جون(اے پی پی):صدر مملکت آصف علی زرداری کلاڈیا شین بام کوں میکسیکو دی پہلی تریمت صدر منتخب تھیوݨ تے مبارخ ݙتی اے۔ ایوان صدر دے پریس ونگ توں جاری بیان موجب صدر مملکت آکھیے میں میکسیکو دی پہلی تریمت صدر دے طور تے تساݙے تاریخی انتخاب تے مبارخ ݙینداں ۔ صدر آکھے اے امر باعث فخر اے جو شہید محترمہ بے نظیر بھٹو مسلم دنیا دی پہلی تریمت وزیراعظم ہن۔ انہاں آکھیے شہید بینظیر بھٹو جمہوریت اتے تریمتاں دی خود مختاری سانڳے جدوجہد کیتی ۔ صدر مملکت آکھیے اساں تساݙی قیادت اچ میکسیکو نال ݙو پاسے تعلقات مستحکم کرݨ دے خواہشمند ہیسے۔ صدر مملکت آصف علی زرداری میکسیکو دی صدر دی کامیابی اتے میکسیکو دی خوشحالی سانڳے نیک خواہشات دا اظہار کیتے۔
