اہور۔1جون(اے پی پی)معاون خصوصی برائے اطلاعات وزیر اعلیٰ پنجاب ڈاکٹر فردوس عاشق اعوان آکھیے جو حکومت ملک کوں ترقی ݙیواوݨ دا عہد کیتا ہوئے، لاہور اچ راوی ریور سٹی پراجیکٹ لازوال عوامی مفادات دا منصوبہ اے، نوجواناں کوں روزگار ݙیوݨ کیتے منصوبہ بندی تے کم تھیندا پئے، ماضی اچ ملکی وسائل رڄ لٹیے ڳین،ملک کوں کرپٹ مافیا توں چھڑیندے 3 سال لق ڳین اڄ عمران خان دی قیادت اچ ملک ترقی دے رستے تے ٹر پئے تاں اپوزیشن کوں ݙر پئے ڳئے جو انہاں دی دکانداری نہ بند تھیوے۔ اے ڳآلھ انہاں لاہور اچ سی ای او( روڈا )عمران امین اتے وائس چیئرمین ایل ڈی اے ایس ایم عمران نال پریس کانفرنس اچ آکھی۔ انہاں آکھیا جو ملک تبدیلی دے سفر تے ٹر پئے، پاکستان کوں اوکھے حالات اچوں کڈھ ڳھدا ڳئے، ہݨ کوعی سازش ترقی دا رستہ نئیں روک سڳدی، جیکر کہیں دے تحفظات ہین تاں او میرٹ تے دور کیتے ویسن۔
