اسلام آباد۔22 جولائی(اے پی پی)ایران دے کلچرل قونصلر مجید مشکی اکادمی ادبیاتِ پاکستان اسلام آباد دا دورہ کیتا تے صدر نشین اکادمی ڈاکٹر نجیبہ عارف نال ملاقات کیتی۔ ا??ں موقع تے اکادمی دے ڈائریکٹر جنرل سلطان ناصر وی موجود ہن ۔ ملاقات اچ ڈوہیں برادر اسلامی ملکاں وچال ادب تے ثقافت دے شعبیاں اچ تعلقات دے فروغ تے تفصیلی گالھ مہاڑ تھئی ۔ صدر نشین اکادمی ڈاکٹر نجیبہ عارف معزز مہمان مجید مشکی کوں اکادمی دے تحت پاکستانی زباناں دے ادب تے ادیباں دی بھلائی تے اکادمی دیاں مطبوعات تے ڈوجھیاں ادبی سرگرمیاں بارے ڈسایا ۔ ڈاکٹر نجیبہ عارف آکھے جو ایران تے پاکستان ادب وثقافت دے ڈونگھے رشتے اچ بدھے ہوئین تے انھاں تعلقات کوں بیا مضبوط کرنڑ دی ضرورت اے۔ انھاں آکھے جو پاکستان دے ایران نال دیرینہ ثقافتی، تریخی، ادبی تے لسانی روابط ان ۔انھاں اُردو زبان تےادب تے فارسی زبان تے ادب دے ڈوھنگے ??ثر??ت دا وی ذکر کیتا تے آکھیا جواردو تے عربی دے بیشتر ??ثر??ت بالواسطہ پر فارسی دے بیشتر ??ثر??ت بلاواسطہ ان ۔ صدرنشین اکادمی دے تحت شایع تھیونڑ آلی مطبوعات اچ خصوصاً گلبانگِ آرزو (کلیات?? فارسی، اسلم انصاری) اتےکلیاتِ اقبال اُردو دا منظوم فارسی ترجمہ (از جناب محمد افسر رھبین) دا تعارف کرایا۔ ایران دے کلچرل قونصلرمجید مشکی اکادمی دی کارکردگی دی تعریف کیتی اتے صدر نشین اکادمی کیتے نیک خواہشات دا اظہار کیتا۔ انھاں خصوصی طور تے اکادمی دے تحت چھپنڑ آلے عالمی ترجمیاں کوں خراجِ تحسین پیش کیتا۔ انھاں آکھیا جو اکادمی آپدی حالیہ کاوشاں نال دُنیا دے سامنڑے پاکستان دا سوہنڑاں ادبی چہرہ پیش کریندی پئی اے انھاں آکھیاجو پاک ایران باہمی تراجم دے منصوبیاں تے بیا کم کرنڑ دی ضرورت اے۔ انھاں ایرانی قونصل خانے دےتوسط نال شایع تھیونڑ آلی ف??رسی کتاباں دے حالیہ اردو ترجمیاں داذکر کیتا اتے کتاباں پیش کیتیاں۔ انھوں آکھیا جو ایرانی قونصل خانہ اکادمی ادبیات کوں ادب دے میدان اچ ہر ممکن تعاون پیش کرنڑ دی کوشش کریسی۔ ڈوہیں سربراہواں ایں گالھ تےاتفاق کیتاجو ڈوہ??ں ملکیں دے باہمی ادب دے تراجم سانگے کوششاں تیز کیتیاں ونجن تاں جو ہک ڈوجھے نال ادب دے ذریعے تہذیبی روایت دی بہتر تفہیم دے مواقع میسر ہوون تے بیا اے جو ڈوہ??ں ملکاں دے دوستانہ روابط نال نو??ں منصوبیاں دے اجرا دا عمل تیز کرنڑاں چاپیدا اے۔ اہلِ قلم دے ڈو طرفہ مراسم کوں مضبوط کرنڑ سانگے باہمی دَوریاں دے حوالے نا?? وی غور کیتا گیا۔ صدرنشین اکادمی ادبیات 2026 اچ اکادمی دے تحت تھیونڑ آلی بینُ الاقوامی کانفرنس اچ ایرانی اہلِ قلم کوں شریک تھیونڑ دی دعوت ڈتی جیڑھی ایرانی کلچرل قونصلر شکریہ نال من گھدی تے آکھیا جو بینُ الاقوامی کانفرنس اچ ضرور ایران دے اہلِ قلم مندوبین شریک تھیسن ۔ اخیر اچ صدر نشین اکادمی ڈاکٹر نجیبہ عارف تے اسلامی جمہوریہ ایران دے کلچرل قونصلر مجید مشکی وچال کتاباں دا تبادلہ تھیا ۔ڈاکٹر سعدیہ کمال
.jpg)