اسلام آباد۔28دسمبر (اے پی پی):جسٹس جاوید اقبال دی سربراہی اچ لاپتہ افراد کمیشن دا اجلاس سنوار کوں معنقد تھیا جیں اچ کمیشن دے سینئر ممبر، ممبرز اتے افسران و ٻئے ملازمین وی شرکت کیتی۔ جسٹس جاوید اقبال اجلاس توں خطاب کریندے ہوئیں آکھیے جو اساں جسٹس غوث محمد ممبر کمیشن دی اچانک وفات تے ݙکھ دا اظہار کریندوں ۔ مرحوم دے نال پنج سالہ رفاقت اچ انہاں کوں ہمیشہ مشفق، محنتی اتے لاپتہ لوکاں دے خانداناں دے رلے ہمدرد پاتے ،انہاں دی امانت، دیانت اتے کم نال لڳن کہیں وی قسم دے شک توں بالاتر ہئی ۔اللہ تعالیٰ مرحوم کوں جوار رحمت اچ جاہ تے پسماندگان کوں صبر ݙیوے ۔
