اسلام آباد۔2مئی (اے پی پی) چیئرمین سینیٹ محمد صادق سنجرانی آکھیا جو پاکستان اتے ایران خطے دی ترقی، امن اتے خوشحالی دے خواب کوں شرمندہ تعبیر کرݨ کیتے کوشش کریندے پن، ݙوہیں ملکاں وچال بین الاقوامی سطح تے تعاون قابل تعریف اے۔ اے ڳالھیں انہاں پاکستان اچ ایران دے سفیر سید محمد علی حسینی نال ڳالھ مہاڑ کریندیں ہوئیں آکھی جنہاں منگل کوں انہاں نال الوداعی ملاقات کیتی۔ ملاقات اچ ݙو پاسہ تعلقات اتے آپسی دلچسپی دے معاملیاں تے ڳالھ کیتی ڳی۔ ملاقات اچ چیئرمین سینیٹ محمد صادق سنجرانی آکھیا جو پاکستان اتے ایران خطے دی ترقی، امن اتے خوشحالی دے خواب کوں شرمندہ تعبیر کرݨ کیتے کوشش کریندے پن۔ خطے دی ترقی اساݙا سانجھا وژن اے۔ ݙوہیں ملکاں دی مذہبی، ثقافتی اتے سماجی جڑت ݙو پاسہ تعاون کوں ودھاوݨ کیتے مستحکم بنیاد فراہم کریندی اے۔ پاکستان ایران نال اپݨے تاریخی تعلقات کوں اہمیت ݙیندے۔ اساݙی خواہش اے جو انہاں تعلقات کوں سیاسی، سماجی اتے اقتصادی سطح تے ٻیا مستحکم کیتا ویسی۔ ایں موقع تے ایرانی سفیر سید محمد علی حسینی آکھیا جو ݙوہیں ملکاں وچال ݙوپاسہ تعاون کوں ٻیا ودھاوݨ دی لوڑھ اے۔ چیئرمین سینیٹ ایرانی سفیر دی پاک-ایران تعلقات کوں ٻیا مضبوط کرݨ بارے کوششاں دی تعریف کیتی۔
